உதயகீதம் (1985)
வெள்ளி விழா நாயகன் மோகன் வீழ்ச்சிக்குக் காரணம் என்ன ? என்ற விவாதம் சமீபத்தில் இணையதளத்தில் நடந்தது. ஆளாளுக்கு ஒரு காரணம் சொன்னார்கள். ஒரே மாதிரியான வேடத்தைத் தொடர்ந்து செய்ததால் ரசிகர்களுக்கு போரடித்துவிட்டது என்னவோ என்று நினைக்கிறேன். எது எப்படி இருந்தாலும் ஏராளமான வெற்றிப் படங்கள் தந்த மோகன் அவர்களுக்குத் தமிழ் திரைத்துறை வரலாற்றில் எப்போதும் ஒரு இடம் உண்டு.
என்னுடைய உறவினரின் மகள் திருமணம் வந்தவாசியில் நடந்தது. அப்போது குடும்பத்தோடு சென்றிருந்தோம். அப்போது இரவுக் காட்சிக்குத் திருமண மண்டபம் அருகில் உள்ள திரையரங்கில் இந்த படத்தைப் பார்த்த ஞாபகம் இருக்கிறது. படத்தில் தொடக்கப் பாடலாக வரும் "சங்கீத மேகம் தேன் சிந்தும் நேரம்.." என்னுடைய விருப்ப பாடல்.
கதாசிரியர் ஆர் செல்வராஜின் கதைக்கு, இயக்குநர் கே ரங்கராஜ் திரைக்கதை அமைத்து, இயக்கி 1985-ஆம் ஆண்டு தமிழ்ப் புத்தாண்டிற்கு முந்தைய தினம் வெளியான 'உதயகீதம்' படத்திற்கு வயது 35 ஆண்டுகள்.
இளையராஜா சார் இசையமைத்த, படத்தில் இடம்பெற்ற எல்லா பாடல்களும் மிகப் பிரபலமானது. ''பாடும் நிலா பாலு'' எஸ்பிபியின் குரல் பாடலுக்குப் பொருந்தியதும், திரு எஸ் என் சுரேந்தர் அவர்களின் குரல் பின்னணிக்குப் பொருந்தியதும் மோகனின் திரை வெற்றிக்கு மகுடம் சேர்த்தது.
செந்தில்-கவுண்டமணிஇணை நகைச்சுவை படத்திற்குப் பெரும்பலம். நகைச்சுவை பகுதியை எழுதியவர் திரு ஏ வீரப்பன்.
இயக்குநர் கே ரங்கராஜ்-'வெள்ளிவிழா நாயகன்' மோகன் - இளையராஜா மூன்று பேர் நிகழ்த்திய மாயாஜாலம் என்றென்றும் நிலைத்து நிற்கும்.
- காளிகபாலி
Always ever green mohan hits
ReplyDeleteA very good movie with good melodies thanks to Raja sir equally a very good performance by all artist in this movie a great movie to watch.
ReplyDelete