சரஸ்வதி சபதம்(1966)
புராணங்கள் சமூகத்தின் பொக்கிஷங்கள். கலாச்சார அடையாளம். அதைத் திரைப்பட வடிவில் காணும் பாக்கியம் பெற்றவர்கள் நாம். அதைக் கலை நயத்துடன் சிறப்பாக இயக்கி நமக்குத் தந்த இயக்குநர்களையும் அதில்
நடித்த / பணிபுரிந்த கலைஞர்களைப் பற்றி என்னவென்று சொல்வது. இன்றும்
காலத்தை வென்ற காவியங்களாக இத்திரைப்படங்கள் திகழ்கிறது. எல்லாம் ஒரு 'டீம் ஒர்க்'
என்று கடந்து விட முடியாது. அதை நினைவுகூர்ந்து நன்றி தெரிவிக்கும்
நேரமிது. இன்றைய தலைமுறைக்கும் அப்படைப்புகளைக் கொண்டுசெல்ல வேண்டும். கடந்த கால புராண படங்களின் ஒரு காட்சியைக் கூட இப்போது Recreate செய்ய முடியாது. அது ஒரு முறை மட்டுமே நிகழும் மாயாஜாலம்.
இயக்குநர் ஏ பி என் மற்றும் நடிகர் சிவாஜி கணேசன் இணைந்து நிகழ்த்திய மற்றொரு மாயாஜாலம் 'சரஸ்வதி சபதம்'.
எங்கள்
தாத்தாவுக்குப் பிடித்த படம். கடைசிக் காலத்தில் அவர் பார்க்க விரும்பிய
படம். அவருக்காக நாங்களும் திரும்பத் திரும்ப வி சி ஆர் -இல் பார்த்தோம்.
படத்தில் வரும் அந்த முதல் காட்சியை நான் இன்று வரை நினைவுகூர்கிறேன், காரணம், அதில் உள்ள Life Lesson. ஒரு திரைப்படம் என்ன பெரிய வாழ்க்கை பாடத்தை கற்றுத் தந்துவிடப் போகிறது என்று நினைக்கலாம், அப்படி இல்லை, இந்த காட்சியை நீங்கள் பார்த்தீர்களானால் தெரியும். ''எல்லா ஜீவராசிகளுக்கும் படியளக்கும் அந்த ஈஸ்வரன், என்னய மட்டும் எப்படி விட்டுவிடுவான்?" என்று பெரியவர்கள் சொல்லக் கேட்டிருக்கிறோம். அதை எனக்கு அழுத்தமாகப் புரியவைத்த காட்சி இது.
புராண படங்களுக்கு இசையமைப்பு, மற்றும் பாடல்கள் பெரும்பலம் இசையரசர் கே வி மகாதேவன் சிறப்பாக இசையமைத்திருப்பார். நாகேஷ், மனோரமா நகைச்சுவை காட்சி சிறப்பாக இருக்கும். இந்த படத்தையெல்லாம் திரையரங்கில் பார்க்கும் வாய்ப்பு கிடைக்கவில்லையே என்று தோன்றுகிறது. இதோ அந்த காட்சி கண்டு ரசியுங்கள்.
குறிப்பு: இது என்னுடைய அறிவுக்கு எட்டிய, என்னுடைய அனுபவம் மட்டுமே.
- காளிகபாலி
