ஒரு முறை நிகழும் மாயாஜாலம்-65

'மிஸ்டர் இந்தியா' (1987)

'கனவுக்கன்னி 'ஸ்ரீதேவி ஹிந்தி திரையுலகம் சென்ற பிறகு, அவருடைய இடத்தை யாராலும் நிரப்ப முடியவில்லை. 1986-ஆம் ஆண்டு வெளிவந்த 'நான் அடிமை இல்லை' என்ற மிகச் சுமாரான படத்திற்குப் பிறகு தமிழ்ப் படங்களில் நடிப்பதைக் குறைத்துக்கொண்டார்.

ஆனால் 1987-ஆம் ஆண்டுக் கதாசிரியர்கள் சலீம்-ஜாவேத் கதை, திரைக்கதையில், இயக்குநர் சேகர் கபூர் இயக்கத்தில் ஸ்ரீதேவி, அனில்கபூர், அம்பரீஷ் பூரி நடித்து வெளிவந்த குழந்தைகள்பொழுபோக்கு சூப்பர் ஹீரோ படமான 'மிஸ்டர் இந்தியா' வசூலில் இந்தியாவையே மிரட்டியது.

தமிழ் ரசிகர்களுக்கும் 'மிஸ்டர் இந்தியா' படம் மூலம் ஸ்ரீதேவி தரிசனம் தந்தார். இசை இரட்டையர்கள் லக்ஷ்மிகாந்த்-பியரிலால் இசையமைத்த அத்தனை பாடல்களும் பிரபலமானது. குறிப்பாக மறைந்த நடன இயக்குநர் சரோஜ் கான் நடனம் அமைத்து ஸ்ரீதேவி ஆடிய "ஹவா ஹவாயி" என்ற பாடல் இன்று வரை அதிகம் கேட்கப்படும் ஸ்ரீதேவி பாடல்களில் ஒன்று. பாடல் தொடக்கம் முதல் முடியும் வரை ஸ்ரீதேவியின் முகபாவங்கள், நடனத்தைப் பார்த்துக்கொண்டே இருக்கலாம். அவ்வளவு அனாசயமாக ஆடியிருப்பார்.

இப்படத்தில் ஸ்ரீதேவிக்குப் பிறகு அதிகம் பேசப்பட்டவர் நடிகர் அம்பரீஷ் பூரி அவர் ஏற்றிருந்த 'மோஹம்போ' என்ற மிரட்டலான வில்லன் வேடம் இன்று வரை நினைவு கூறப்படுகிறது.

சென்னை தொலைக்காட்சியில் டெல்லி ஒளிபரப்பில் விசேஷ நாட்களில் 'மிஸ்டர் இந்தியா' படத்தைப் பல முறை பார்த்திருக்கிறேன். தமிழில் இயக்குநர் கே பாக்கியராஜ் இயக்கத்தில் 'என் ரத்தத்தின் ரத்தமே' என்ற பெயரில் வெளிவந்து சொதப்பியது. "ஹவா ஹவாயி" பாடல் காணொளி கீழே:

நன்றி: Youtube


குறிப்பு: இது என்னுடைய அறிவுக்கு எட்டிய, என்னுடைய அனுபவம் மட்டுமே.


- காளிகபாலி