ஒரு முறை நிகழும் மாயாஜாலம்-69

'இதயம்' (1991)

'இதயம்' படத்தில் வரும் தாசேட்டன் பாடிய "பொட்டு வைத்த ஒரு வட்ட நிலா..." என்னுடைய இரவு நேரப் பாடல் தொகுப்பில் உள்ள பாடல். 'இதயம்' படம் வெளிவந்து 29 வருடங்கள் ஓடிவிட்டது. ரசிகர்களின் இதயத்தில் நீங்கா இடம் பிடித்த ராஜாவின் பாடல்கள் இன்றும் மீண்டும், மீண்டும் கேட்கத் தூண்டுபவை. பாடல்கள் மட்டுமே அதன் பின்னணி இசைத் தொகுப்பும் யுடியூப் தளத்தில் காணக் கேட்கக் கிடைக்கிறது கேட்டுப் பாருங்கள். மெய்மறந்து போவீர்கள்.

இயக்குநர் கதிரின் மற்றும் நடிகை ஹீராவின் முதல் படம். கடைசி வரை தன் காதலைச் சொல்லாமல் ரசிகர்களைச் சோதித்தார் நாயகன் முரளி. படத்தின் இரண்டாவது நாயகன் ராஜா சார். அனைத்து பாடல்களும் பட்டிதொட்டியெங்கும் ஒலித்தது. சின்னி ஜெயந்த் மற்றும் ஜனகராஜின் நகைச்சுவை படத்தை அலுப்பில்லாமல் கொண்டு போகும்.

என்னுடைய பள்ளி இறுதி ஆண்டில் இதயம் படம் வெளியானது. வகுப்பு நண்பர்கள் படம் பார்த்து விட்டுச் சிலாகித்தார்கள். நானும் இன்னொரு நண்பனும் சென்று திரையரங்கில் படம் பார்த்தோம். சமீபத்தில் பள்ளி நண்பர்கள் வாட்ஸ் அப் குழுவில் இப்படத்தைப் பற்றிய கலந்துரையாடல் நிகழ்ந்தது. எல்லோரும் அவரவர் நினைவுகளைப் பகிர்ந்துகொண்டோம்.

சரி, நீங்களும் "பொட்டு வைத்த ஒரு வட்ட நிலா..." காணொளி பாடலை கேளுங்கள்:

நன்றி: Youtube

குறிப்பு: இது என்னுடைய அறிவுக்கு எட்டிய, என்னுடைய அனுபவம் மட்டுமே.


- காளிகபாலி